Қазақстан Республикасының Көміртегі бейтараптығына қол жеткізуінің 2060 жылға дейінгі стратегиясы Мемлекеттік жоспарлау жүйесіне сәйкес мақсат қою құжаты болып табылады және 2023 жылғы 2 ақпандағы № 121 Президент Жарлығымен бекітілген.

Стратегияның негізгі мақсаты 2060 жылға қарай Қазақстан экономикасының климаттың өзгеруіне және көміртегі бейтараптығына қатысты орнықты дамуына қол жеткізу болып табылады.

Стратегияның орта мерзімді мақсаты – 2030 жылға қарай парниктік газдардың шығарындыларын 1990 жылғы шығарындылар деңгейімен салыстырғанда 15 %-ға қысқарту (шартсыз мақсат) және экономиканы көміртексіздендіруге халықаралық қолдау алған жағдайда қысқартуды 25 %-ға жеткізу (шартты мақсат).

Жеті қағидаттар:

• мақсаттылық, бірлік және тұтастық;
• техникалық-экономикалық негізділік;
• көшудің әділдігі;
• циркулярлы экономика;
• кезеңділік;
• ашықтық және қоғаммен өзара іс-қимыл;
• ұтымдылық (теңгерімділік).

Төмен көміртекті дамудың негізгі бағыттары:

• Секторлық тәсілдер мен көзқарас (энергетика, өнеркәсіп, ауыл және орман шаруашылығы және т.б.).
• Қалдықтарды басқару.
• Қаржыландыру және «жасыл» инвестициялар.
• Ғылыми-зерттеу және тәжірибелік-конструкторлық жұмыстар.
• Білім беру және қоғамдық сананың өзгеруі.
• Климаттың өзгеруіне бейімделу.
• Көміртекті реттеу жүйесі.

Құжаттың толық мәтіні