National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Ақорда

Мемлекет басшысы Нұрсұлтан Назарбаев Сыртқы істер министрі Ерлан Ыдырысовты қабылдады

2013 жылғы 18 ақпан

 

Кездесу барысында Е.Ыдырысов Қазақстан Президентін 2012 жылы сыртқы саясат саласында атқарылған жұмыстың негізгі қорытындылары, сондай-ақ, ведомствоның ағымдағы қызметі және министрліктің алдына қойылған алдағы кезеңге арналған міндеттерді іске асыру барысы жөнінде хабардар етті.

Кездесуде Қазақстанның сыртқы саясаты келешекте де көршілес елдермен екіжақты қатынастарды нығайту ісімен геосаяси үйлесімде болатыны атап өтілді. Сондай-ақ, сыртқы саяси бағыттың негізгі басымдықтарының бірі еуразиялық интеграция болып саналады.

Мемлекет басшысы Қазақстанға шетел инвестициясын тартуға және еліміздің сыртқы саясатының экономикалық аспектісін күшейтуге көмектесу қажеттігін атап өтті.

Е.Ыдырысов министрліктің қызметі «Қазақстан-2050» Стратегиясында алға қойылған халықаралық қатынастар саласындағы міндеттерді орындауға және ЭКСПО-2017 көрмесін табысты өткізуге бағытталатынына тоқталды.

Кездесу қорытындысы бойынша Мемлекет басшысы республиканың сыртқы саяси бағымдықтарын жүзеге асыру жөнінде бірқатар нақты тапсырмалар берді.          


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің