National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Қауіпсіздік Кеңесі


Жаңалықтар

Әсет Исекешев ТМД мемлекеттерінің қауіпсіздік кеңестері хатшыларының IX кездесуіне қатысты

Бүгін Мәскеу қаласында Қазақстан Республикасы Президентінің көмекшісі – Қауіпсіздік Кеңесінің хатшысы Әсет Исекешев Тәуелсіз Мемлекеттер Достастығына мүше мемлекеттердің қауіпсіздік кеңестері хатшыларының IX кездесуіне қатысты.

Форум барысында ТМД кеңістігіндегі тұрақтылық пен қауіпсіздіктің заманауи сын-тегеуріндері жағдайында өңірлік өзара іс-қимылдың ауқымды әрі өзекті мәселелері талқыланды.

Атап айтқанда, тараптар Ауғанстан аумағынан шығатын ықтимал қауіптерді, соның ішінде экстремизм мен терроризмнің таралуын, трансшекаралық қылмыстың, заңсыз көші-қонның, есірткі трафигінің өсу мәселелерін қарастырды.

ТМД-ға мүше мемлекеттердің көші-қонды реттеу, азаматтық қорғау және төтенше жағдайларға ерекше назар аудару, сондай-ақ ақпараттық-коммуникациялық технологияларды қылмыстық мақсаттарда пайдалануға қарсы іс-қимыл саласындағы ынтымақтастығының бағыттары туралы пікір ортаға салынды.

Сонымен қатар күн тәртібінде биологиялық қауіпсіздік мәселелері, оның ішінде биотехнологияларды пайдаланумен байланысты қауіптерді азайту жөніндегі шаралар талқыланды.

Әсет Исекешев өз сөзінде Ауғанстандағы жағдайды тұрақтандыруға, күрделі гуманитарлық дағдарыстың және осыған байланысты қауіп-қатерлердің алдын алуға бағытталған әрі келісілген іс-қимылдар қажет екенін атап өтті.

ҚР Қауіпсіздік Кеңесінің хатшысы су ресурстары ұлттық қауіпсіздіктің негізгі факторларының біріне айналатынын ескере отырып, біздің өңірде экологиялық және су-энергетикалық қауіпсіздікті қамтамасыз ету жөніндегі практикалық қызметтің маңызы артып келе жатқанын айтты. Сондай-ақ сипаты елеулі өзгерістерге ұшырайтын төтенше жағдайларды болжау саласындағы тәсілдерді жаңарту қажеттігіне мән берілді.

Әсет Исекешев биологиялық қатерлердің алдын алу бойынша үйлестірілген іс-қимылдың маңыздылығына назар аударды. Осыған орай Қазақстан Президенті Қасым-Жомарт Тоқаевтың биологиялық қауіпсіздік жөніндегі халықаралық агенттік құру туралы бастамасын іске асырудың өзектілігі артып келеді.

Іс-шара аясында ҚР Қауіпсіздік Кеңесінің хатшысы Достастық елдерінің әріптестерімен екіжақты кездесулер өткізіп, өзара іс-қимылдың өзекті мәселелерін талқылады.


Кері қайту Кері қайту Twitter Facebook Басып шығару

Заңдар

2023 жылғы 06 ақпан

Мемлекет басшысы «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) және «Салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының Заңына өзгерістер мен толықтырулар енгізу туралы» Қазақстан Республикасының Заңына қол қойды


Мемлекет басшысы Түркия Президенті Режеп Тайип Ердоғанмен телефон арқылы сөйлесті

2023 жылғы 06 ақпан

Мемлекет басшысы Түркия Президенті Режеп Тайип Ердоғанмен телефон арқылы сөйлесті

Жарлық

2023 жылғы 03 ақпан

Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2023 жылдың наурыз – маусымында және қыркүйек – желтоқсанында мерзімді әскери қызметке кезекті шақыру туралы