Мемлекет басшысы гимнастикаға және басқа да жаттығуларға арналған залдарды аралап көрді. Бұл кешенде бокс, күрес, дзюдо және жекпе-жек спортының өзге де түрлерінен халықаралық деңгейдегі жарыстар өткізуге мүмкіндік бар. Қасым-Жомарт Тоқаев қазақша күрестен жастар арасында өтіп жатқан өңірлік командалық турнирге қатысушылардың белдесулерін тамашалады. Қазақстан Президенті танымал спортшылармен әңгімелесіп, оларға жетістіктері үшін ризашылық білдірді. Мемлекеттің спортқа әрдайым жан-жақты қолдау көрсететінін жеткізді.