National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Халықаралық қоғамдастық

Қазақстан Президенті Нұрсұлтан Назарбаев Түркия Республикасына ресми сапары аясында Түркияның іскер топтарының жетекші өкілдерімен кездесу өткізді

2012 жылғы 12 қазан

 

Кездесу барысында Мемлекет басшысы Түркия Қазақстанның жетекші сауда серіктестіктерінің бірінен саналатынын атап өтті. Соңғы жылдары екі ел арасындағы тауар айналымы едәуір өсті, сондай-ақ өзара инвестиция көлемі артып келеді. Экономиканың әртүрлі салаларында бірлескен ірі жобалар іске асырылуда.  

Нұрсұлтан Назарбаев Қазақстан алдына экономиканы жедел әртараптандыру және жаңарту міндетін қойып отырғанын атап көрсетті. Осы мақсатта 2010 жылдан бері Индустриялық-инновациялық даму бағдарламасының бірінші бесжылдығы іске асырылуда. Ондағы негізгі басымдық – инвестиция тарту, жаңа технология, кадр әлеуетін дамыту үшін барлық жағдайды жасау. Маңызды бастаманың бірі - Ұлы Жібек жолын қайта жаңарту жөніндегі жоба.

Кездесуді аяқтай келе, Мемлекет басшысы Қазақстанда шетелдік инвесторлар үшін инвестициялық қолдаудың толық жиынтығы құрылатынына және экономиканың басымдық салаларындағы жобаларды іске асыруға көмек көрсетілетініне тоқталды.


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің