Жаңалықтар

19 маусым 2013
Бүгін Мемлекеттік хатшы Марат Тәжиннің төрағалығымен ҚР Президенті жанындағы консультативті-кеңесші орган – Ведомстволық наградалар жөніндегі геральдикалық комиссия отырысы өтті

 

– Заманның сын-қатеріне лайықты жауап бере алатын қазақстандықтардың жаңа ұрпағын тәрбиелеуде моральдық және материалдық көтермелеу маңызды рөл атқарады. Наградалар еңбекқорлық, табандылық қасиеттерін, сондай-ақ елдің экономика, ғылым, мәдениет және өнер сияқты салаларын нығайту мен дамытуға қосқан жеке үлес салмағын айқындауы тиіс. Сондықтан ведомстволық наградалардың мейлінше әлеуметтік мәні бар және бұл мәселеге біз барынша байыпты қарауға тиіспіз, – деді отырысты ашқан Мемлекеттік хатшы.

Сондай-ақ, отырыста тәуелсіз Қазақстанның серпінді дамуы өмірдің барлық саласында болып жатқан өзгерістерге ұлттық құқықтың сай болуын талап ететіні атап өтілді. Осыған орай, заң шығару және құқық қолдану қызметін, оның ішінде геральдика мәселелерін одан әрі жетілдіру қажеттігі туындап отыр. Ведомстволық наградалар атауларының дұрыс қолданылмауын,  тілдік нормаларға сай келмеуін реттеуге,  олардың дизайнындағы кемшіліктерді жою қажеттігіне барынша назар аударылды.

Отырыс қорытындысында тиісті құрылымдарға ұсынымдар мен нақты тапсырмалар берілді.


Барлық жаңалықтар
 
Өзге оқиғалар
Барлық оқиғалар